大家好，我係小編Candi！☺️ 今次What7yousay 嘅專題有 Ro Taste Food and Grocery，一間覆蓋全英國嘅網上亞洲食品店！🇭🇰 佢哋為咗可以令香港人喺英國買到自己熟悉嘅貨品，面對緊好多困難😥，好彩大家對在英港人商店都好支持！💪🏻
希望大家睇完我哋嘅訪問之後會對舖頭有更深嘅了解，大家記住記住一定要留意我哋下次嘅介紹！🙌🏻😚
等我依家都去飲番碗竹蔗茅根清下熱先！😇😇
公司名稱（社交平台）：* Ro Taste Food and Grocery
SINCE ：* 2022
Location：* United Kingdom
Q1. 你哋嘅業務係乜？ 做咗幾耐？* 網上亞洲食品店
Q2. 你嚟咗幾耐？本身做D乜？* 半年，本身做室內設計師、護士
Q3. 你最推薦的商品/最受歡迎的商品～～～（服務） 點解？* 香港人最鍾意食，尤其是返到屋企要飲碗住家湯，我哋盡力搵大家需要嘅湯料，希望大家响英國都飲到靚湯。响英國出街食嘢好熱氣，好多人都需要食清熱下火湯水，我哋嘅『竹蔗茅根湯包』最受歡迎，又平又靚又大包，一個月內已火速賣晒要再入貨。
Q4. 你想透過公司實踐咩價值/對社區帶嚟咩改變？（有咩驅使你從事哩個業務）* 我哋希望香港人嚟到英國，都可以繼續食到由細食到大、喜歡嘅食物。食係好緊要，食到鍾意食嘅嘢，可以一解鄉愁，而且可以凝聚一班親人朋友聚首一堂。英國地大，有啲朋友未必住得近中超，或者唔想幫襯中超，我哋希望佢哋都可以輕易搵到各款煮食材料。另外，有好多人本身响香港甚少下廚，因為香港實在太方便，太多餐廳，屋企又會有工人姐姐，但嚟到英國，個個都要親自下廚，所以我哋不時會介紹簡單嘅食譜，希望各位唔使咁惆悵，容易煮到鍾意嘅中式、日式、韓式或台式食物，過時過節都煮到節日食品。
Q5. 喺英國經營有咩困難？* 英國本身有啲歷史悠久嘅中超、亞超，規模已經好大，貨量多又平，我哋小店家庭式運作，搵批發商已經唔容易，而且入貨價錢攞唔到好平，英國稅多，各項支出亦好大，所以客人會有錯覺覺得我哋貴、食水深，其實我哋盡力降低定價，亦以服務行先，希望提升競爭力。曾有客人寫錯地址令貨品寄失，我哋都立刻再寄，希望客人可以收到貨，呢啲服務係大集團嘅客服未必做到。另外，亦有好多香港代購，直接寄貨到英國客人屋企，其實藥材類係禁寄英國，英國客人响我哋網店買，除咗快啲收到之外，亦都安心好多。希望大家可以支持响英國合法經營嘅商戶。
Q6. 經營時最難忘嘅經驗～* 好多嘢都好難忘，最開心係得到客人嘅讚許。香港人都比較含蓄，加上我哋係網店同客人交流比較少，我哋會送少少禮物，希望同客人多啲互動，有客人收到後立即到我哋網站好評，好多謝佢。
Q7. 嚟緊有咩新攪作～（活動，宣傳，優惠等等）？* 我哋嚟緊希望引入一啲繁體字中文書，希望大人小朋友都繼續接觸繁體中文字，甚至會有啲香港買唔到嘅書，希望大家多多支持。
#bnovisa#what7yousay#hkig#nottinghamhk#bno#hkerinuk#hongkongerinuk#香港人#英國#伯明翰#曼城#移民英國#英國香港人#英國留學#諾定咸#移英港人#移英生活#香港人在英國#英國生活#在英港人#曼徹斯特#pierzero_online
提交時間：2022/5/14
Comments