Kawataku

住係伯明翰嘅你，有無好掛住香港買到嘅嘢？🇭🇰🇯🇵🇰🇷

今日要介紹呢一間新開嘅雜貨店，專賣港日韓貨品之餘，

特別嘅地方係佢哋有賣熟食！🍗🍣🧇

佢哋仲有賣好多英國搵唔到嘅貨品，

快啲去搵下有無你嘅心頭好！💖

行街行到肚餓嘅話，不妨去試下店主嘅愛心料理！🥘

佢哋賣緊嘅套餐價錢真係超級平民 🥰

店主仲透露佢哋會有更多新嘅熟食同甜品😍

大家記住要支持佢哋同埋我哋零渡啊！

我係小編Candi，下次見👋🏻

公司名稱（社交平台）：* KAWATAKU IG:Kawa.taku_uk

SINCE ：* 2022年4月尾開始

Location：* B1 1RS, 14 Commercial street, Birmingham

Q1. 你哋嘅業務係乜？ 做咗幾耐？* 主要係做售賣港日韓的零食飲品、化妝品護膚品之類，而且仲有一些現場即煮嘅小食，如果客人有需要係港日韓代購嘢，我哋都可以盡力幫幫手。因為我哋係由裝修階段所有野都一手包辦，如果唔計大概開始咗一月多少少。

Q2. 你嚟咗幾耐？本身做D乜？* 本來一家四口嚟咗英國就快兩年，爸爸媽媽做下小小裝修生意咁，自己同細佬仲讀緊書嘅。

Q3. 你最推薦的商品/最受歡迎的商品～～～（服務） 點解？* 最推薦都真係講唔哂，因為我們有賣好多好多係英國都未必搵到嘅零食飲品，真的歡迎大家親自嚟望一望或者透過IG：Kawa.taku_uk/電話：+44 121 643 7314問下我哋有冇存貨。仲好歡迎大家到場試下我地嘅愛心料理，相信一定可以滿足大家嘅香港情懷。ჱ̒ ｰ̀֊ｰ́ )

Q4. 你想透過公司實踐咩價值/對社區帶嚟咩改變？（有咩驅使你從事哩個業務）* 主要係希望可以凝聚香港人在外的團結，已經有好多人透過我哋依度認識咗好多自己人，大家互相幫助，介紹啲機會人脈俾新嚟嘅香港人，因為始終我哋都係希望大家可以一齊好。

Q5. 喺英國經營有咩困難？* 最主要我哋所有貨源都係由港日韓三個地方親自請熟人直送去英國，所以計返成本運費都唔平，但係我哋堅持走平民路線，希望大家唔使高價就可以攞返份回憶，所以利潤其實都好少。 仲有就係飲食習慣唔同，好多外國客人都唔太敢俾錢試我哋嘅野，因為我哋大多嘅零食都係依度搵唔到，對於佢哋嚟講太過新奇，所以亦都流失咗唔少市場。

Q6. 經營時最難忘嘅經驗～ * 我哋開張個日搞咗免費試食活動，有港式魚蛋、咖哩飯、韓式壽司炒雜菜等等，果日好多人都特登抽空嚟支持直接企滿晒人，始終係第一次係外國開舖做生意，真的好感激大家嚟支持我哋！！

Q7. 嚟緊有咩新攪作～（活動，宣傳，優惠等等）？* 嚟緊我地會開始賣珍珠奶茶、甜品等等。亦都設計緊新嘅料理，希望大家嚟到可以enjoy更特別更地道嘅愛心料理。 而家我哋嘅套餐真係超級超級抵，唔使£7就可以有一份韓式三文治/壽司/烏冬/咖哩飯再送自選飲品，我哋絕對保證大件夾抵食，去邊都搵唔到第二間！

提交時間：2022/5/30