Cake! By J

大家有無掛住我？我係Candi! 好耐無見 👋🏻 今日要介紹嘅係位於Reading 嘅訂製蛋糕店 : Cake! By J 🍰🍰 一路係香港做Marketing嘅店主一直都無忘記佢烘焙嘅興趣，移民英國之前已經做好準備，要係英國實踐佢嘅夢想🤩

佢嘅招牌係：扑扑蛋糕！好睇，好食又好玩，滿足曬你三個願望！🥳🥳

佢嘅蛋糕係唔會好似英國平時買到嘅個啲蛋糕咁甜之外，擁有5星 Food Hygiene Rating嘅佢地絶對絶對可以令大家食得開心又放心😌😌

IG : @cakebyjanis

公司名稱（社交平台）： Cake! By J (cakebyjanis)

SINCE ： Mar 2022

Location： Reading雷丁

Q1. 你哋嘅業務係乜？ 做咗幾耐？ 我地主打訂製造型蛋糕，做咗4個月。

Q2. 你嚟咗幾耐？本身做D乜？ 嚟咗1年。喺香港正職做咗1x年Marketing，一直對烘焙略有研究，準備嚟英前一年修讀蛋糕證書課程同喺朋友蛋糕店實習。

Q3. 你最推薦的商品/最受歡迎的商品～～～（服務） 點解？ 我最推薦係我地招牌嘅扑扑蛋糕，有得玩又有得食，最開心係收到客人send番俾我佢地扑蛋糕時嘅video，睇到佢地開心嘅笑容係無價。

Q4. 你想透過公司實踐咩價值/對社區帶嚟咩改變？（有咩驅使你從事哩個業務） 可以俾喺英國嘅香港人食到正常甜度嘅蛋糕，同埋可以令本地人試到無咁甜嘅蛋糕其實都好好食。

Q5. 喺英國經營有咩困難？ 仍然摸索緊宣傳嘅渠道，好難集中喺自己嘅小區。新鮮蛋糕唔能夠送太遠，有時有客人喺IG見到我嘅post想訂，但住太遠就接唔到訂單。

Q6. 經營時最難忘嘅經驗～ 由登記food business到做hygiene inspection個過程一步一步自行慢慢摸索，到拎到5-star food hygiene rating嘅時候仲開心過中獎。

Q7. 嚟緊有咩新攪作～（活動，宣傳，優惠等等）？ 慶祝剛剛拎到5-star hygiene rating做緊一個giveaway活動，免費送出一個自選扑扑蛋糕。嚟緊會做新客推薦嘅折扣活動。