是但啦，反正我都無say🔇
大家好，我係Never 😞
喺香港，聽得最多嘅就係NEVER🙅
最近有個學生去平機會爭取男學生可以留長頭髮嘅自由，都有一大班人出嚟鬧🗣
如果讀書成績同頭髮長短有關，女學生係咪全部考包尾？0️⃣
或者只係因為：
阿叔我以前無，你地而家都唔可以有👴🏼
好可惜，我哋好多人暗地裏被傳統文化影響得好深😮💨
孺家封建意識入骨入血，喺文化上潛移默化咗我哋好多價值觀💭
諗下我哋新年最鐘意講咩？恭喜發財呀！🤑
你就明白華人對一份好工，發達，買樓點解咁執著🏚
今日大家嚟到英國，新嘅土地🇬🇧
我唔係要鼓吹大家摒棄自己嘅文化傳統🍚
但係你都要理解人地有咩諗法，點解會咁做🥔
而你都有責任去話比人哋知，你哋嘅文化習俗點解會咁做🍶
要文化交流，理解後互相尊重🥂
如果唔係我哋只會成為當初自己口誅筆伐嘅果班新移民👨👩👧👦
「是但啦」哩個channel，嘗試落區同本地人傾計🎙
比大家理解喺多元文化底下英國人嘅想法💭
唔好再覺得自己無say~
If you have nothing to say, why don’t you stay?
IG： @whatever_sdl
YouTube : 是但啦 si6daan6la1
公司名稱（社交平台）： 是但啦 Si6daan6la1
SINCE ： 2022年7月8日正式上架
Location： Nottingham
Q1. 你哋嘅業務係乜？ 做咗幾耐？ 我哋係專做英國街頭訪問片嘅instagram及youtube channel，之後亦會做下一啲簡單嘅社會實驗，探究下真實嘅英國生活。
Q2. 你嚟咗幾耐？本身做D乜？ 你好，我叫Heidi，嚟咗英國一年半，以前喺香港係tvb劇集嘅編劇，過咗嚟因為冇搵工，多咗時間思考自己真正想做啲咩，發現自己好想做個獨立嘅content creator，做一啲真係幫到人同有意義嘅片俾人睇，所以嘗試下拍youtube。最初同兩位partner-Nigel同Don一齊搞咗個youtube channel，叫《英鄰9吹》，以清談節目形式去分享過到嚟英國遇到嘅大小事，但後來發現自己嘅分享都係唔足以令人全面了解英國生活，因為英國人嘅生活模式、思考模式及價值觀都同移英港人好唔同，所以我哋暫停咗《英鄰9吹》，我同Nigel就決定以街訪及社會實驗方式，去將英國真實嘅一面呈現出嚟，《是但啦》就此誕生。
Q3. 你最推薦的商品/最受歡迎的商品～～～（服務） 點解？ 推薦每一集街訪。因為街訪唔單止有趣味，可以睇到唔同人對嗰個題目嘅睇法，有時仲會遇到唔同國籍嘅人，佢哋會分享返佢哋國家嘅文化俾我哋知。英國係一個多元化城市，但係喺做街訪嘅時候，我哋先真正了解原來平時喺英國街頭見到嘅唔同人種係來自邊度。
Q4. 你想透過公司實踐咩價值/對社區帶嚟咩改變？（有咩驅使你從事哩個業務） 我哋想以香港人角度去探究真實嘅英國生活，了解下西方人唔同嘅價值觀，希望為香港人帶來文化衝擊。例如LGBT、言論自由、穿衣自由等等，我哋都深深體會到香港人嘅思想同西方人好唔同，雖然香港有好多似乎係三觀正確嘅道德撚，但當講到某一啲話題嘅時候，佢哋都會有唔同嘅偏見，各種歧視嘅思想早已根深蒂固而不自知。作為創作者，我哋唔係想企喺道德高地，反而係透過創作，令我哋學習更加多，同觀眾一齊mind blown🤯
Q5. 喺英國經營有咩困難？ 我同Nigel都係過到嚟英國先學習經營social media，及各種影片製作嘅技巧，前中後期一手包辦都唔容易，希望來年可以認識更加多志同道合嘅朋友仔，一齊加入《是但啦》，一齊燃點呢團火！（因為我哋冇任何廣告收入同youtube分成，所以只能靠呢股熱血去推動）
Q6. 經營時最難忘嘅經驗～ 記得當初一齊brainstorm channel名字時，我不斷鑽牛角尖，想諗啲有意思又食字嘅名，但諗極都覺得唔啱心水，Nigel就講咗句「是但啦」，個名就係咁得嚟。其實Nigel嘅意思並唔係求其是但hea，而係希望我哋諗到就去做，唔好俾啲無謂嘅細節kick住，就好似移民咁，想走就即刻走。
Q7. 嚟緊有咩新攪作～（活動，宣傳，優惠等等）？ 除咗街訪之外，仲會做下簡單嘅社會實驗，睇下唔同situation下，英國人嘅真實反應係點。嚟緊仲會公開招募新成員，包括台前幕後及marketing等等，經驗不拘，最緊要有團火！
Yorumlar